نكت مغربية

سول الأستاذ واحد التلميد: باش كتحلم؟

قال ليه الدري: كنحلم نشد 10000 درهم ف الشهر بحال الوالد.

قال ليه الأستاذ: علاش باك كيشدهم؟

قال ليه الدري: لا، حتى هو غير كيحلم.

.....

هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.

ناض السيد كيضحك. سولو القاضي: مالك؟

قال ليه: كانت كتديها كاملة

.....

هادي واحد المعلمة قالت لواحد التلميدة: صرفي الفعل مشى في المضارع.

قالت ليها التلميدة بشوية: أنا... أمشي... أنت... تمشي...

قالت ليها المعلمة: طلقي راسك شوية.

قالت ليها التلميدة: أنا أجري، أنت تجري...

.....

واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.

قال ليه السرباي: الدنيا هانية، ولا عليك، ما كانتش سخونة

.....

هادو جوج دراري كانوا مدابزين ف القسم.

جا الأستاد لقاهم ف ديك الحالة وسولهم: مالكم على هاد الصداع؟

قالوا ليه: لقينا 100 درهم، واتفقنا اللي قال أكبر كدبة ياخدها.

قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.

وهوما نيت يعطيوه دوك الدراري 100 درهم

.....

هادا واحد الولد ما مشاش للمدرسة. كان جدو كيطل من الشرجم، وبان ليه المعلم جاي لعندهوم للدار، وهو يمشي يجري عند الدري قال

ليه: تخبى تخبى، المعلم جا يسول عليك.

وهو يقول ليه الدري: وا تخبى نتا أجدي، راه قلت ليه جدي مات وجا يعزينا فيك.

.....

هادا واحد الزقرام حط الليمون ياكلو.

حل الأولى، لقاها خامجة ولاحها.

حل التانية، لقاها خامجة ولاحها.

وهو يطفي الضو وحل التالتة دغية وسرطها بلا ما يشوف فيها

.....

المرا: أشنو وقع؟

الراجل جوابها من الحمام: والو، غير القميجة طاحت.

المرا: ولكن داكشي اللي سمعت تقيل.

الراجل: اه، حيت كنت ف القميجة

.....

مبوق وقف مورا واحد مكلخ ف الڭيشي.

شوية بدا المبوق كيضحك.

سولو المكلخ: علاش كضحك؟

قال ليه المبوق: عرفت الكود ديالك.

قال ليه المكلخ: أشنو هو يالاه؟

قال ليه المبوق: نجمة، نجمة، نجمة، نجمة.

شبع فيه المكلخ ضحك وقال ليه: غلط، الكود ديالي هو 4011

.....

هادا واحد المكلخ ساقط أربع سنين فالتحضيري.

جا عندو المدير، قال ليه: واش نتا غادي تبقى غي لاصق ليا ف هاد المدرسة؟

ناض الدري كعا، هز شكارتو وخرج. قال ليهم: لهلا يداوي بوكم.

كان معول يولي طبيب.

.....

واحد المكلخ مشى يشري صباط.

سولو مول المحل: شحال كتلبس ف رجليك؟

قال ليه المكلخ: جوج فردات.

.....

واحد السيد صمك كان جالس حدا واحد الطيابة.

خلاها حتا ناضت باش تسخر، وهو يسرق ليها دجاجة، ودارها في قبو...

ملي رجعت الطيابة، قالت ليه : السلام عليكم

و هو يقول ليها : إينا دجاجة لهلا يطيح علينا شي باطل

.....

واحد مكلخ دخل واحد المحل ديال التحف، وهرس واحد الڤاز

مول المحل كعى، قال ليه: أشنو درتي؟ راه هادا من القرن التامن عشر

قال ليه المكلخ: أووووف تخلعت، يسحابلي واش جديد

.....

واحد الكسول سول المعلم ديال الانجليزية: أستاد، أشنو المعنى ديال why؟

قال ليه الأستاد: علاش.

قال ليه الكسول: لا، غير سولت.

قال ليه الأستاد: علاش أبنادم، علاش.

قال ليه الكسول: راه غير بغيت نتعلم الانجليزية

.....

هادا واحد صيفت ولاد يعيشوا مع عائلة ميريكانية باش يتعلموا الانجليزية

ملي داز عام، مشى الراجل للميريكان يجيب ولادو

دق على دار العائلة الميريكانية، و حلات ليه المرا الباب

قال ليها بالانجليزية : where are me childrens?

قالت ليه بالدارجة : دخل دخل، راهوم كينقزو ف الجردة بحال القرودا

تصنيف : ترفيه